"TikTok" fantastik məbləğdə CƏRİMƏLƏNDİ

Avropa Birliyi "TikTok"un Çin hakimiyyəti ilə istifadəçi məlumatlarını paylaşdığı iddialarına qarşı hərəkətə keçib.

Ajans.az xəbər verir ki, Birliyi təmsil edən İrlandiyanın Məlumatların Mühafizəsi Komissiyası Çin mənşəli sosial media platformasına 530 milyon avro (600 milyon dollar) cərimə tətbiq edib. "TikTok" bu qərara etiraz etməyi planlaşdırdığını açıqlayıb.

Şirkət daha əvvəl inkar etdiyi halda, Avropa istifadəçilərinin məlumatlarını Çində saxladığını etiraf edib, lakin Çin hökumətindən bu məlumatlarla bağlı heç bir rəsmi tələb almadığını bildirib.