Kreml Putin və Vitkoffun nə müzakirə etdiyini AÇIQLADI

Rusiya prezidenti Vladimir Putin və ABŞ prezidenti Donald Trampın xüsusi nümayəndəsi Stiv Vitkoff son danışıqlarda Rusiya ilə ABŞ arasında birbaşa uçuşların bərpasını müzakirə etməyiblər.

Ajans.az xəbər verir ki, bu barədə Rusiya Federasiyasının rəhbərinin mətbuat katibi Dmitri Peskov bildirib.

Məlum olduğu kimi, Vladimir Putinlə Stiv Vitkoff arasında danışıqlar aprelin 25-i cümə günü baş tutub. Onlar bir neçə saat davam edib, lakin bir çox detallar naməlum olaraq qalıb. İndi isə Peskov detalları qismən açıqlayıb. O vurğulayıb ki, dialoqlar zamanı Rusiya ilə ABŞ arasında birbaşa hava əlaqəsinin bərpası mövzusu qaldırılmayıb.