Rusiya qoşunları Ukrayna poliqonunu VURDU

Rusiya Müdafiə Nazirliyi bildirib ki, dünən Rusiya qoşunları Ukraynanın Sapsan OTRK və onu əhatə edən NASAMS zenit-raket komplekslərinin sınaqlarının keçirildiyi əraziyə zərbələr endirib.

Ajans.az xəbər verir ki, bu barədə idarənin bəyanatında deyilir.

“Dünən axşam saatlarında Rusiya Federasiyası Silahlı Qüvvələri Ukraynanın “Sapsan” operativ-taktiki raket kompleksinin və onu əhatə edən Norveç istehsalı olan NASAMS zenit-raket komplekslərinin sınaq meydançasına yüksək dəqiqlikli quru və dəniz silahları və pilotsuz uçuş aparatları ilə qrup zərbəsi endirib”, - deyə, Rusiya Müdafiə Nazirliyi məlumat yayıb.

Müdafiə Nazirliyi əlavə edib ki, zərbənin məqsədlərinə nail olunub. Bütün obyektlər məhv edilib.

Əvvəllər bildirilirdi ki, Rusiya qoşunları Ukrayna Silahlı Qüvvələri üçün cəbhənin strateji əhəmiyyətli nöqtəsini ələ keçirə bilib. Onlar Yunakovka və Oleşnya yaşayış məntəqələri arasındakı avtomobil yolunun təxminən 5 kilometrindəki yanğını nəzarətə götürüblər. Bu ərazi ukraynalı döyüşçülərin təchizatı üçün vacibdir.