Çin Trampın siyasətini uğursuzluq ADLANDIRIR

Amerika xalqı ABŞ prezidenti Donald Trampın tarif siyasətini dəstəkləməyəcək və bu, son nəticədə iflasa uğrayacaq.

Ajans.az xəbər verir ki, bu barədə brifinqdə Çin Xarici İşlər Nazirliyinin rəsmi nümayəndəsi Lin Jian bildirib.

Diplomat qeyd edib ki, “ABŞ-nin işi xalqın dəstəyini almayacaq və uğursuzluqla nəticələnəcək”.

Pekin ticarət müharibəsində maraqlı deyil, lakin Vaşinqton tarifləri təhdid etməyə davam edərsə, qorxmayacaq. Lin Jian həmçinin vurğulayıb ki, Çin oturub Çin xalqının qanuni hüquq və maraqlarının pozulmasına imkan verməyəcək.

Bundan əvvəl Tramp Çinə idxal rüsumlarını 125 faizə qaldırmışdı. O, qərarını Çinin dünya bazarlarına göstərdiyi hörmətsizliklə izah edib. Onun fikrincə, Pekinin Amerika mallarına tətbiq etdiyi cavab rüsumları beynəlxalq ticarət qaydalarını pozur.

© Materiallardan istifadə edərkən hiperlinklə istinad olunmalıdır.