Rusiya və Ukrayna arasında atəşkəs bu tarixdə OLACAQ

Rusiya ilə Ukrayna arasında atəşkəs mayın əvvəlində mümkündür. 

Ajans.az xəbər verir ki, tam atəşkəsin başlama tarixini Ali Radanın deputatı Roman Kostenko proqnozlaşdırıb.

"Çoxları proqnozlaşdırır ki, may ayında hələ də hansısa atəşkəs barədə razılığa gəlmək mümkün olacaq. Mən istisna etmirəm ki, hansısa atəşkəs planı təklif oluna və ya hətta həyata keçirilə bilər", - deputat bildirib.

O əlavə edib ki, hətta hərbi əməliyyatların tamamilə dayandırılması da münaqişənin sona çatması demək deyil.

Bundan əvvəl Ukrayna prezidenti Vladimir Zelenski Rusiyanın nəzarətində olan ərazilərlə bağlı kompromisdən danışıb. Ukrayna lideri Moskvanın əraziləri saxlamaq imkanlarına icazə verib, lakin ölkənin 1991-ci il sərhədlərinə qayıtmaq tələbindən əl çəkməyi planlaşdırmadığını vurğulayıb.

© Materiallardan istifadə edərkən hiperlinklə istinad olunmalıdır.