Bu ölkədə dəhşətli fırtına - Onlarla ölən var

ABŞ-dakı əlverişsiz hava şəraiti ölkənin əksər hissəsinə, xüsusilə Texas, Missuri, Oklahoma, Missisipi və Alabama ştatlarına təsir edib.

Ajans.az bildirir ki, fırtınalar nəticəsində minlərlə insanın evini itirdiyi, ölənlərin sayının 33-ə çatdığı, ən azı 29 nəfərin yaralanaraq xəstəxanaya aparıldığı bildirilib.

Ştat rəsmilərinin açıqlamalarına görə, Missuri ştatında 12, Missisipidə 6, Kanzasda 8, Arkanzas və Texasda 3, Oklahomada isə 1 nəfər ölüb.

Meteoroloqlar şiddətli tufanların həftə sonu davam edəcəyini, tornadoların Missisipi və Alabama ştatlarına təsir edəcəyini proqnozlaşdırırlar.

Səlahiyyətlilər daşqınlar barədə də xəbərdarlıq edir.