HƏMAS Qəzza ilə bağlı İsraillə bütün fikir ayrılıqlarını həll etdiyini AÇIQLADI

Fələstinin radikal islamçı HƏMAS qruplaşması Qəzza zolağında atəşkəslə bağlı İsraillə bütün fikir ayrılıqlarının həll olunduğunu elan edib.

Ajans.az xəbər verir ki, bu barədə yaraqlılar öz rəsmi Telegram kanallarında məlumat verib.

“Vasitəçilərin səyləri sayəsində bu gün səhər saatlarında İsrailin atəşkəs razılaşmasına əməl etməməsi nəticəsində yaranan bütün maneələr aradan qaldırılıb”, - deyə nəşr bildirib.

Daha əvvəl “The Washington Post” mənbələrinə istinadla yazıb ki, İsrailin baş naziri Benyamin Netanyahu siyasi koalisiyadakı tərəfdaşlarına Qəzza zolağında müharibəni bərpa etməyə söz verib.