Mourinyo cəzalandırıldı
İdman
08-11-2024 - 17:58
"Fənərbaxça"nın baş məşqçisi Joze Mourinyo Türkiyə Futbol Federasiyası tərəfindən cəzalandırılıb.
Ajans.az xəbər verir ki, portuqaliyalı mütəxəssisin cəzalandırılmasına səbəb onun Superliqanın 11-ci turunda "Trabzonspor"la matçdan sonra azarkeşlərə jestlər etməsi və hakimlərlə əlaqədar sərt ifadələr səsləndirməsidir.
TFF-nin İntizam Komitəsi məşqçini 1 oyunluq diskvalifikasiya edib. Həmçinin Mourinyo 958 min türk lirəsi məbləğində cərimələnib.
Qeyd edək ki, bu oyunda İstanbul təmsilçisi 3:2 hesablı qələbə qazanıb.
