Kadırova yeni titul VERİLDİ
Çeçenistanın lideri Ramzan Kadırov aqrar-sənaye kompleksinin fəxri işçisi olub.
Ajans.az xəbər verir ki, Dövlət Dumasının deputatı Adam Dəlimxanov yeni rütbənin verilməsini açıqlayıb. Millət vəkilinin sözlərinə görə, mükafat Kadırova Kənd Təsərrüfatı İşçiləri Gününün qeyd edilməsi çərçivəsində verilib. Dəlimxanov Çeçenistan rəhbərinin kənd təsərrüfatı sahəsində xidmətlərini qeyd edib.
“Bildiyimiz kimi, Ramzan Axmatoviç ekoloji cəhətdən təmiz məhsulların yetişdirilməsi üçün ən yaxşı şərait yaradaraq regionda kənd təsərrüfatının inkişafına əvəzsiz töhfələr verir. Ötən illər ərzində onun dəstəyi ilə bu istiqamətdə xeyli işlər görülüb”, - deyə, Dəlimxanov bildirib.
Qeyd edək ki, Rusiya Qəhrəmanı Ramzan Kadırov “Kadırov” ordeni, “Şücaət” ordeni, digər Rusiya və xarici ölkələrin medal və ordenləri ilə təltif edilib. Bundan əlavə, o, Çeçenistan Respublikasının əməkdar inşaatçısı, sosial işçisi, bədən tərbiyəsi işçisi və dövlət qulluğu işçisidir. Həmçinin Ramzan Kadırov xüsusi hərbi əməliyyatın keçirilməsinə və hərbçilərə dəstək verməyə şəxsi töhfəsinə görə Nobel mükafatına layiq görülüb.
