Harris seçkidə məğlub olduqdan sonra da pul yığmağa davam edib

ABŞ-nin vitse-prezidenti Kamala Harrisin kampaniyası seçkilərdə məğlub olduqdan sonra belə pul yığmağa davam edir.

Ajans.az xəbər verir ki, bu barədə “NBC News” öz mənbələrinə istinadən məlumat yayıb.

Seçki kampaniyasının iki rəsmisinin sözlərinə görə, vəsait Demokratlar Partiyasının Milli Komitəsinə gedəcək. Onlardan dövlət səviyyəsində yenidən hesablamaları dəstəkləmək üçün istifadə olunacaq.

Harrisin kampaniyasının sözçüsü bildirib ki, kampaniyadan sonra az miqdarda borc qalıb, lakin ilin sonuna qədər onu ödəmək çətin olmayacaq. Eyni zamanda, qərargahın digər nümayəndələri də bu bəyanatın doğruluğuna şübhə ilə yanaşıb və tərəfdarlara edilən müraciətlərin borcları ödəmək cəhdi ilə bağlı olduğunu irəli sürüblər.

Onlar bu cür təcrübələrin “dəhşətli” və “iyrənc” olduğuna inanırlar və bunun demokratların nüfuzuna necə təsir edəcəyindən narahatdırlar.