Əsəd ölkədən qaçmaq üçün saraydakı hər kəsi aldadıbmış - TƏFƏRRÜAT
Suriyada 61 illik Baas rejiminin devrilməsindən sonra ölkədən qaçan Əsədin sarayında işləyənlər sarsıdıcı həqiqəti paylaşıb.
Ajans.az xəbər verir ki, saraydakıların 13 illik vətəndaş müharibəsinə sülh yolu ilə son qoyacağına ümid etdikləri Əsədin çıxışına hazırlaşdıqları, hətta kameralar və işıqlar da qurduqları üzə çıxıb, lakin devrilmiş
Saraydakılar Əsədin ətrafındakılara heç bir çaxnaşma hissi keçirmədiyini və heç bir problem olmadığı təəssüratı yaratmağa çalışdığını bildirib. Gecə yarısından sonra Əsədin getdiyi xəbəri gəlib və saraydakılar bir neçə saat sonra çaxnaşma içində qaçmağa başlayıb.
Əsəd Dəməşqi tərk edərkən qohumlarına, o cümlədən əmisi oğullarına, bacı-qardaşlarına, qardaşı oğullarına və arvadının ailəsinə belə xəbər verməyib. Məlum olub ki, Əsədin heç nə açıqlamamaq qərarı onun qaçmasına mane olacaq xaosdan yayınması idi.
Əsədin komandası və saray məmurlarından biri “Financial Times” qəzetinə danışıb. Keçmiş saray rəsmisi deyib ki, Əsəd öz təhlükəsizliyi üçün ona yaxın olan hər kəsi qurban verir. Məyus olan tərəfdarlar bunu Əsədin həddindən artıq eqoizminin ən son sübutu kimi gördüklərini, bu xüsusiyyəti onun xalqına qarşı qəddarlıq etməyə, və varlanmaq üçün Suriyanın resurslarını talan etməyə sövq etdiyini söyləyib.
