Bakıda 3 nəfərin 23 min manatı dələduzluqla ələ keçirilib
Gündəm
13-01-2025 - 17:12
Nəsimi rayonunda dələduzluq edən 2 şəxs saxlanılıb.
Ajans.az xəbər verir ki, bu barədə DİN-dən bildirilib.
Nəsimi rayonu ərazisində 3 nəfərin ümumilikdə 23 min manatdan çox pul vəsaitinin dələduzluq yolu ilə ələ keçirilməsi barədə polisə məlumatlar daxil olub.
Keçirilən tədbirlərlə dələduzluq əməllərini törətməkdə şübhəli bilinən - əvvəllər eyni əmələ görə məhkum olunmuş 44 yaşlı T.Yunisov və 42 yaşlı S.Səmədov polis əməkdaşları tərəfindən müəyyən olunaraq saxlanılıblar.
Araşdırmalar aparılır.
