Bakı-Sumqayıt yolunda TƏHLÜKƏLİ VƏZİYYƏT - VİDEO
Bakı-Sumqayıt yolunda yola quraşdırılan işıqlandırma sisteminin işləməməsi sürücülər arasında narazılıq doğurub. Hər gün bu yol ilə hərəkət edən minlərlə insan üçün gecə saatlarında işıqların yanmaması ciddi təhlükə yaradıb.
Ajans.az-ın xəbərinə görə, sürücülər görmə məsafəsinin azaldığını və bu səbəbdən qəzaların artma ehtimalının yüksəldiyini bildirirlər.
İşıqlandırmanın işləməməsi gecə sürüşü zamanı təhlükəsizliyi azaldır, bu isə qəzaların artmasına səbəb ola bilər. Problemlə üzləşən sürücülər müvafiq qurumlara müraciət edərək işıqlandırma probleminin həll olunmasını tələb edirlər.
Ümid edirik ki, aidiyyəti qurumlar bu məsələni tez bir zamanda həll edərək təhlükəsizlik şəraitini bərpa edəcəklər.
Aqil Qarayev
Vəzifəsi: Müxbir
