Arvadını qətlə yetirmişdi: bu dəfə də həmkəndlisini döyüb öldürdü
Xaçmaz rayonunun Köhnə Xaçmaz kənd sakini, fiziki qüsurlu 57 yaşlı Akif Qəribovu döyərək öldürən şəxs saxlanılıb.
Ajans.az Reorta-a istinadən xəbər verir ki, A.Qəribova küt alətlə ağır xəsarətlər yetirən onun həmkəndlisi 1974-cü il təvəllüdlü Eynulla Musayev polis tərəfindən saxlanılıb, məhkəmə tərəfindən barəsində həbs qətimkan tədbiri seçilib.
Qeyd edək ki, hadisə oktyabrın 12-də baş verib. A.Qəribov bir müddət xəstəxanada müalicə alsa da, onun həyatını xilas etmək mümkün olmayıb.
Xatırladaq ki, bu, E.Musayevin törətdiyi ilk qətl hadisəsi deyil. O, 2013-cü ildə onunla intim münasibətdən imtina edən həyat yoldaşı Şərqiyyə Musayevanın başını kəsərək qətlə yetirib. E.Musayev 2014-cü ilin yanvarında məhkəmənin hökmü ilə 9 il müddətinə azadlıqdan mərhum edilib.
