Ancelotti bu maddəylə ittiham OLUNUR
İdman
02-04-2025 - 16:08
İtaliyalı baş məşqçi Carlo Ancelotti, Real Madrid-dəki ilk dövründə (2013-2015) İspaniya Maliyyəsindən vergi qaçırmaqda ittiham olunur.
Ajans.az xəbər verir ki, bu barədə xarici mətbuat məlumat yayıb.
Madrid İl Məhkəməsində keçirilən məhkəməyə Ancelotti, həyat yoldaşı Mariann Barrena və oğlu, Real Madrid-in köməkçi məşqçisi Davide Ancelotti ilə birlikdə qatılıb.
Ancelotti, 2014-cü ildə 386 min 361 avro, 2015-ci ildə isə 675 min 718 avro olmaqla, ümumilikdə 1 milyon 62 min avro vergi qaçırmaqda günahlandırılır.
İspaniya prokurorluğu, məşqçi üçün 4 il 9 ay həbs cəzası və ümumilikdə 3 milyon 186 min 237 avro cərimə tələb edir. Ancelotti isə ittihamları rədd edərək, günahsız olduğunu bildirir.
© Materiallardan istifadə edərkən hiperlinklə istinad olunmalıdır.
Şahanə Paşazadə
Vəzifəsi: Müxbir
