Aİ pilotsuz təyyarələr ordusu yaradacaq?
Avropa İttifaqı (Aİ) üzv dövlətlər tələb edərsə, pilotsuz təyyarələr ordusu yaratmağı nəzərdən keçirə bilər.
Ajans.az xəbər verir ki, Avropanın müdafiə və kosmos üzrə komissarı Andrius Kubilius bu barədə RND redaksiya birliyinə müsahibəsində bildirib.
“Aİ NATO ilə sıx əməkdaşlıq etməlidir, çünki pilotsuz təyyarələr ordusuna ehtiyac barədə qərarı NATO qəbul etməlidir. Ancaq bir çox Aİ ölkəsi dronların çox vacib olduğuna inanır. Üzv dövlətlər bunu istəsələr, təklifə baxılacaq”, - deyə, Kubilius qeyd edib.
Avropanın müdafiə və kosmos üzrə komissarı qeyd edib ki, pilotsuz uçuş aparatları hərbi əməliyyatların bütün gedişatını dəyişməyə qadirdir.
Andrius fikirlərinə əlavə edib ki, Aİ ordusu müasir dronların və elektron müharibə avadanlıqlarının istehsalının artırılmasına təcili ehtiyac olduğunu bildirdikdə, bunu etmək lazımdır.
