8 general vəzifəsindən AZAD OLUNDU
Rusiyada eyni gündə müxtəlif hüquq-mühafizə orqanlarından səkkiz rus generalı vəzifəsini itirib, istefaların bəziləri rəsmən açıqlanıb.
Ajans.az xəbər verir ki, onların arasında Rusiya Federasiyasının Stavropol diyarı üzrə İstintaq Komitəsinin rəhbəri, ədliyyə general-mayoru İqor İvanov, İstintaq Komitəsinin Buryatiya üzrə İdarəsinin rəisi Vyaçeslav Suxorukov da var.
Rusiya Fövqəladə Hallar Nazirliyinin Əməliyyat İdarəsi direktorunun müavini, general-mayor Aleksandr Molçanov, Fövqəladə Hallar Nazirliyinin Moskva vilayəti üzrə departamentinin rəisi, general-leytenant Sergey Poletıkin və Fövqəladə Hallar Nazirliyinin Rostov Baş İdarəsinin rəisi Sergey Filippov da vəzifəsini itirib.
Poletıkinin işdən çıxarılmasını idarədən TASS-a təsdiqləyiblər. Onun yaş həddinin 60-a çatması ilə əlaqədar vəzifəsindən azad edildiyini və tezliklə başqa işə keçəcəyini dəqiqləşdiriblər.
Həmçinin Fövqəladə Hallar Nazirliyinin Rostov vilayəti üzrə Baş İdarəsinin mətbuat xidməti Filippovun işdən çıxarılmasını təsdiqləyib, baxmayaraq ki, səbəb rəsmi olaraq göstərilməyib. Buryatiya üzrə İstintaq Komitəsi izah etdi ki, Vyaçeslav Suxorukov Rusiya Federasiyası Prezidentinin fərmanı ilə tutduğu vəzifədən azad edilib və oktyabrın 7-də polkovnik Yevgeni Laqatski rəis kimi fəaliyyətə başlayıb. Daha üç generalın adı verilməsə də, onların arasında Federal Penitensiar Xidmətin nümayəndələrinin də olduğu dəqiqləşdirilir .
Qeyd edək ki, İstintaq Komitəsinin və Fövqəladə Hallar Nazirliyinin regional idarələrinin rəhbərləri federal qanunvericiliyə əsasən, Rusiya prezidenti tərəfindən təyin edilir.
