6 yaşlı uşaqdan şok tapıntı: Görün, nə kəşf etdi - FOTO
Üç il əvvəl 6 yaşlı Ben adlı uşaq İngiltərənin Sasseks şəhərindəki çimərlikdə qəribə qaya tapıb.
Ajans.az xəbər verir ki, uşaq onu evə aparıb, amma sonra izini itirib. İndi qayanın əslində nə olduğu müəyyən edilib: 50.000 illik neandertal əl baltası.
Worthing Theaters və Muzeyində arxeologiya və sosial tarix kuratoru James Sainsbury Benin anasından oğlunun tapıntısı ilə bağlı e-poçt məktubu aldıqda, əşyanın xüsusi bir kəşf olacağını gözləməyib.
Neandertal əl baltaları nisbətən kiçik və tünd rəngli ikitərəfli çaxmaqdaşlarıdır. Onlar Susseksdəki Orta və Aşağı Paleolit dövrünə aid tapıntılardan aydın şəkildə fərqlənirlər. Neandertallar bu alətlərdən sümükləri sındırmaq kimi fəaliyyətlər üçün istifadə edib.
Sainsbury xüsusi olaraq artefaktı Mousterian əl baltası olaraq təyin edib, yəni bu, Avropada və Britaniyada çox əvvəlin Neandertal dövrünə aiddir. O əlavə edib ki, bəzi alimlər hətta Mousterian əl baltalarının həmin ərazidə son Neandertal nəsilləri tərəfindən istifadə edildiyini irəli sürürlər.
Sainsbury “Sasseksə gəldikdə, bu, həqiqətən olduqca nadirdir. Muzeyimizdə yalnız bir nümunəmiz var. Onlar son dərəcə nadirdir, çünki ehtimal ki, Neandertal əhalinin sıxlığı çox aşağı idi” ifadələrini işlədib.
