"WhatsApp" fevralın 1-dən etibarən bu telefonlarda fəaliyyətini dayandırır: MARKALAR
Mesajlaşma proqramı "WhatsApp" köhnə Android telefonlar üçün dəstəyi dayandıracağını açıqlayıb.
Ajans.az xəbər verir ki, Meta-nın verdiyi açıqlamaya görə, fevralın 1-dən etibarən “WhatsApp” “Android 5.0” öncəsi əməliyyat sistemi olan telefonlarda açılmayacaq.
"WhatsApp" dünyada ən çox istifadə edilən mesajlaşma proqramlarından biridir. Lakin köhnə qurğular texnoloji yeniliklərə uyğunlaşa bilmədiyi üçün bu telefonlara verilən dəstək tədricən ləğv edilir. Nəhayət, 1 fevral 2025-ci il tarixindən etibarən Android 5.0 əməliyyat sistemindən əvvəl işləyən telefonlar WhatsApp-dan istifadə edə bilməyəcək.
Meta-nın açıqlamasına görə, "KaiOS" istifadə edən cihazlar 31 yanvar 2025-ci il tarixindən etibarən tətbiqə daxil ola bilməyəcək. WhatsApp-dan istifadə edə bilməyən cihazlara Samsung, Motorola, LG, HTC və Sony kimi köhnə məşhur marka modelləri daxildir.
Həmin modelləri təqdim edirik:
Motorola: Moto G (1-ci nəsil), Droid Razr HD, Moto E (1-ci nəsil) Samsung: Galaxy S3, Galaxy Note II, Galaxy Ace 3, Galaxy S4 MiniHTC: One X, One X+, Desire 500, Desire 601LG: Optimus G, Nexus 4, G2 Mini, L90Sony: Xperia Z, Xperia SP, Xperia T, Xperia V
