Trampdan öz müttəfiqlərinə KƏSKİN İTTİHAM
Birləşmiş Ştatlar və onun müttəfiqləri arasında mövcud münasibətlərin xarakteri dayanıqlı deyil.
Ajans.az xəbər verir ki, unu ABŞ-nin keçmiş prezidenti və respublikaçıların dövlət başçısı vəzifəsinə namizədi Donald Tramp “Bloomberg”ə müsahibəsində deyib. Siyasətçi Vaşinqtonun tərəfdaşlarını Birləşmiş Ştatlarla əlaqələrdən sui-istifadə etməkdə ittiham edərək, "Müttəfiqlərimiz düşmənlərimizdən daha çox bizdən istifadə etdilər" ifadələrini işlədib.
Tramp həmçinin xəbərdarlıq edib ki, əgər yenidən seçilərsə, yalnız NATO-nun hərbi xərclər hədəflərinə çatan ölkələr Amerikanın köməyinə arxalana biləcəklər.
Daha əvvəl Tramp deyib ki, ABŞ prezidenti Co Bayden administrasiyası büdcədən pulları “sərxoş dənizçilər” kimi xərcləyir. O, prezidentliyi dövründə heç bir inflyasiyanın olmadığına və Baydenin ilkin olaraq ölkədəki əlverişli iqtisadi vəziyyətdən istifadə etdiyinə diqqət çəkib. Nümunə kimi o, iqlim dəyişikliyi mövzusunda mübarizə ilə bağlı təşəbbüslərin maliyyələşdirilməsini göstərib.
