Rektor generalın həyat yoldaşına VƏZİFƏ VERDİ
Azərbaycan Tibb Universitetinin (ATU) Stomatologiya fakültəsinə yeni dekan təyin edilib.
Ajans.az "Unikal"a istinadən xəbər verir ki, bununla bağlı ATU-nun rektoru Gəray Gəraybəyli əmr imzalayıb.
Əmrə əsasən, Elmira Ramiz qızı Əliyeva ATU-nun Stomatologiya fakültəsinin dekanı vəzifəsinə təyinat alıb.
Qeyd edək ki, E.Əliyeva Prezidentin Müdafiə məsələləri üzrə sabiq köməkçisi general-leytenant Vahid Əliyevin həyat yoldaşıdır.
General 2012-2017-ci illərdə Azərbaycan Respublikası Prezidenti Administrasiyası rəhbərinin müavini vəzifəsində çalışıb.
