"Real Madrid"də Ançelotti erası bitir - Xabi Alonso baş məşqçi postuna gətirilir
"Real Madrid" klubunun prezidenti Florentino Peres son "Barselona" məğlubiyyətindən sonra komandanın baş məşqçisi Karlo Ançelottini vəzifədən uzaqlaşdırmağı düşünür.
Ajans.az-ın xəbərinə görə, o, yaxın vaxtlarda klubun baş məşqçi postuna keçmiş oyunçu Xabi Alonsonu gətirməyi planlaşdırır. Bu addım, klubun taktiki baxımdan yeni nəfəsə və gənc məşqçi perspektivinə ehtiyac duyduğunun göstəricisi kimi qiymətləndirilir.
Alonsonun Madrid klubuna rəhbərlik etməsi ilə komanda yenidən daha aqressiv və müasir oyun tərzinə keçid edə biləcəyi düşünülür.
Qeyd edək ki, oktyabrın 26-da keçirilən "Barselona" - "Real Madrid" qarşılaşması Kantalonyalıların 0-4 hesablı qalibiyyəti ilə başa çatıb.
Aqil Qarayev
Vəzifəsi: Müxbir
