Qurban Qurbanov Milli Komandanın baş məşqçisi postuna gətirilir? - Rəsmən AÇIQLANDI
UEFA Millətlər Liqasının qrup mərhələsində Azərbaycan yığması İsveçə böyük hesabla məğlub olub. C Liqasının I qrupunun son matçında "Stroberri Arena"da keçirilən qarşılaşmada yığmamız 0:6 hesabı ilə uduzub. İsveçdən Kulusevski dubl (10, 57), Dyekereş isə poker (26, 37, 58, 70) müəllifi olub.
Bu nəticə ilə Azərbaycan yığması C Liqasını cəmi 1 xalla son sırada tamamlayaraq D Liqasına düşüb. Matçın ardından sosial şəbəkələrdə millimizin zəif performansı geniş müzakirə mövzusuna çevrilib. Bir çox azarkeşlər məğlubiyyətin məsuliyyətini komandaya və hazırkı baş məşqçi Fernandu Santuşa yönəldib. Maraqlıdır ki, məhz bu şəraitdə məşhur futbol mütəxəssisi Qurban Qurbanovun yığmanın baş məşqçisi postuna gətiriləcəyi ilə bağlı iddialar yayılıb.
Azarkeşlər arasında Qurban Qurbanovun milli komandaya rəhbərlik etməsinin Azərbaycan futbolu üçün yeni ümid olacağına dair fikirlər geniş şəkildə səsləndirilir.
Məsələ ilə bağlı "Qarabağ" FK-nun Mətbuat katibi Anar Hacıyev Ajans.az-a açıqlamasında yayılan iddiallarla bağlı xəbərsiz olduqlarını bildirib.
O, klubun noyabrın 28-də Fransanın "Lion" klubu ilə qarşılaşacağını və dekabr ayında çox sıx oyun təqviminin olduğunu vurğulayıb:
"Yayılan iddilarla bağlı xəbərsizik. Hazırda "Səbail"lə oyunumuz var, diqqətimizi ona yönəltmişik. Ayın 28-də Fransanın "Lion" klubu ilə çox vacib oyunumuz olacaq. Hazırda komanda tamamilə qarşıdakı oyunlara fokuslanıb".
