"Şrek" filmindəki uzunqulağın prototipi ÖLDÜ

"Şrek" cizgi film seriyasındakı uzunqulaq personajının prototipi olan Perri adlı eşşək ABŞ-də xəstəlikdən sonra 30 yaşında ölüb.

Ajans.az xəbər verir ki, bu barədə Kaliforniya ştatının Palo-Alto şəhərində eşşəklərə qulluq edən "Barron Park" layihəsinin "Instagram" səhifəsində məlumat verilib.

Məlumata görə, heyvan laminit xəstəliyindən - dırnaq sümüyünü dırnaq divarına birləşdirən həssas yumşaq toxumanın (laminanın) iltihabından əziyyət çəkirdi. Dözülməz ağrılar səbəbindən eşşək evtanaziya edilib.

Qeyd edək ki, uzunqulaq "Şrek" franşizasındakı eyniadlı baş qəhrəmanın ən yaxın dostudur.