Tanınmış aktyor vəfat etdi

Rusiyalı teatr və kino aktyoru Denis Kazakov 42 yaşında vəfat edib.

Ajans.az xəbər verir ki, bu barədə Tula Gənc Tamaşaçılar Teatrının (TYUZ) “Telegram” kanalında deyilir.

Sənətkar 20 ildən çox ömrünü Gənclər Teatrında çalışmağa həsr edib. “Onun istedadı, enerjisi və fədakarlığı hamımız üçün ilham oldu. O, təkcə öz sahəsinin peşəkarı deyil, həm də çətin anlarda dostlarına və həmkarlarına dəstək olan böyük ürəkli bir insan idi”, - deyə teatrdan bildirilir.

Teatr, həmçinin aktyorun yaxınlarına və ailəsinə başsağlığı verib.

Denis Kazakov 1983-cü ildə Tulada anadan olub, regional mədəniyyət və incəsənət kollecini bitirib. Denis Kazakov teatrdan əlavə seriallarda da rol alıb. O, “Steppenwolves” və “Nine Lives” kimi layihələrdə iştirak edib.