İran-ABŞ razılaşmasının mətni YAYILDI

İran və ABŞ arasında münaqişənin həlli ilə bağlı memorandum 14 bənddən ibarətdir.

Ajans.az xəbər verir ki, bu barədə "Mehr" agentliyi yazıb. 

Məlumata görə, İran və ABŞ arasında imzalanan memorandum dəniz blokadasının 30 gün ərzində qaldırılmasını və Amerika qüvvələrinin İranla həmsərhəd ərazilərdən çıxarılmasını nəzərdə tutur.

Sənədə aşağıdakı razılaşdırılmış müddəalar daxil edilib:

- Otuz gün ərzində dəniz blokadasının aradan qaldırılması və ABŞ hərbi birləşmələrinin İslam Respublikası ilə sərhəd ərazilərdən geri çəkilməsi;

- ABŞ və müttəfiq dövlətlərin müqavilə çərçivəsində İranın yenidən qurulması üçün minimum 300 milyard dollar dəyərində bərpa planları hazırlaması;

- İranın neft və neft məhsullarının ixracına qoyulmuş sanksiyaların icrasının dayandırılması;

- Növbəti 60 gün ərzində Vaşinqton və Tehran arasında nüvə proqramı ilə bağlı müzakirələrin keçirilməsi və bunun yekunlarına əsasən sazişin imzalanması;

- Nüvə müzakirələrinin başlaması üçün İran tərəfinin irəli sürdüyü şərtlər: 12 milyard dollarlıq aktivlərin sərbəst buraxılması, blokadanın ləğvi və neft sanksiyalarının dondurulması.