Bu zənglər təhlükə mənbəyidir – XƏBƏRDARLIQ

Texnologiya dövrünün real təhlükəsi hesab olunan, kiberdələduzluq insanların virtual məkanda rahatlığına kölgə salır. Təyin olunmayan, virtual, xarici ölkə kodları ilə daxil olan zənglərə cavab vermək riskli hesab olunur.

Ajans.az xəbər verir ki, sakinlərin sözlərinə görə, onlara da belə nömrələrdən  zənglər daxil olub.

 Vətəndaşlar şübhəli zənglərə cavab verməyin şəxsi və bank hesabı məlumatlarının oğurlanması ilə nəticələnəcəyini düşünürlər.

 Məsələ ilə bağlı informasiya texnologiyaları üzrə ekspert Tariyel Ağazadə bildirdi ki, kiberdələduzlar istifadəçiləri manipulyasiya edərək strateji məlumatlar və ya maddi qazanc əldə etmək məqsədi ilə adətən "fishing" adlanan üsula əl atırlar.