Bu ölkədə DƏHŞƏTLİ ZƏLZƏLƏ

Ölkənin şimal-şərqində yerləşən Miyagi prefekturası sahillərində 6,3 bal gücündə yeraltı təkanlar baş verib.

Ajans.az xəbər verir ki, bu barədə Yaponiya Meteorologiya Agentliyi məlumat yayıb.

Məlumata görə, zəlzələ yerli vaxtla saat 20:22-də (Bakı vaxtı ilə 15:22) təxminən 50 kilometr dərinlikdə qeydə alınıb. Miyagi prefekturasında hiss olunan təkanların intensivliyi Yaponiyanın yeddi ballıq şkalası üzrə 5 baldan aşağı olub.

Zəlzələnin episentri 38,9° şimal enliyi və 142,1° şərq uzunluğunda, sahil sularında yerləşib.

Hazırda dağıntı və ya insan tələfatı barədə məlumat verilməyib. Sunami təhlükəsi ilə bağlı xəbərdarlıq elan olunmayıb.