Sumqayıtda bağlanan yol bu tarixdə AÇILACAQ

Sumqayıt şəhəri “Çerkassi” küçəsində yerləşən yolda bu ilin mart ayının əvvəlindən ADSEA tərəfindən qazıntı-bərpa işləri aparılır.

Ajans.az-a daxil olan məlumatda bildirilib ki, 2 aydan çoxdur ki, yol bağlıdır. Bu da nəqliyyat və sakinlərin hərəkətində problemlər yaradıb. Sakinlər problemin həll olunmasını istəyirlər.

Məsələ ilə bağlı ADSEA-nə sorğu ünvanladıq.

Qurumdan bizə bildirildi ki, Sumqayıt şəhəri, “Çerkassi” küçəsi adlanan  ərazidə tullantı su xəttinin təmiri və bərpası istiqamətində işlər görülür. Proses hələ də davam etdirilir. 

Bərpa-qazıntı işlərinin nə vaxt bitməsi ilə də bağlı aydınlıq gətirilib.

Qeyd edilib ki, əhalidə çaşqınlıq yaratmaq üçün dəqiq vaxt qeyd etmək olmur, amma işlər müntəzəm icra edilir. İşlər bitdiyində , yolun açılması mümkün olacaq.