Slovakiya Ukraynaya enerji tədarükünü dayandırır

Slovakiyanın baş naziri Robert Fiko bildirib ki, Kiyev Drujba boru kəməri ilə neft tranzitini bərpa etməsə, Slovakiya 23 fevraldan etibarən Ukraynaya elektrik enerjisi tədarükünü dayandıracaq.

Ajans.az xəbər verir ki, baş nazir bu barədə "Facebook" hesabında yazıb.

"Slovakiya qürurlu və suveren bir ölkədir, mən də qürurlu və suveren bir slovakiyalıyam. Əgər Slovakiyaya neft tədarükü bərpa olunmazsa, SEPS-dən Ukraynaya elektrik enerjisi tədarükünü dayandırmasını xahiş edəcəyəm", - o, bildirib.

Baş nazirin sözlərinə görə, 2026-cı ilin yanvar ayında Ukraynanın enerji sistemini sabitləşdirmək üçün 2025-ci ilin bütün dövrü ilə müqayisədə iki dəfə çox elektrik enerjisi lazım olub.