Yeni Zelandiyada məscid hücumçusu apelyasiyada günahını inkar edir

Yeni Zelandiyanın Kraystçörç şəhərində 2019-cu ildə iki məscidə edilən hücumlara görə ömürlük həbs cəzasına məhkum edilmiş avstraliyalı Brenton Tarrant günahını boynuna almaqdan imtina edir və hökmdən apelyasiya şikayəti vermək niyyətindədir.

Ajans.az xəbər verir ki, bu barədə məlumat Yeni Zelandiya Radiosuna (RNZ) istinadən verilib.

15 mart 2019-cu ildə baş verən hücumlar zamanı 51 nəfər həlak olmuşdu. Tarrant məhkəməyə işinin yenidən araşdırılması üçün ərizə təqdim edib. Bu həftənin sonlarında başlaması planlaşdırılan dinləmə zamanı 35 yaşlı məhkumun “işgəncə və qeyri-insani həbsxana şəraiti” barədə danışması gözlənilir. Buna əsaslanaraq, Tarrant məhkəmədən 2020-ci ilin martında etdiyi günahını boynuna almaq ərizəsinin etibarsız hesab edilməsini xahiş edəcək.

Apelyasiya Məhkəməsinin üç hakimi Tarrantın günahını boynuna almağa icazə verərsə, iş bütün ittihamlar üzrə yenidən məhkəməyə qaytarıla bilər. Əgər günahını etiraf etməyə icazə verilməzsə, hökmə qarşı sonrakı apelyasiya iclası keçiriləcək.

Tarrant 27 avqust 2020-ci ildə şərti azadlığa buraxılmadan ömürlük həbs cəzasına məhkum edilmişdi. Günahını tam etiraf edən Tarrant Yeni Zelandiyada ən ağır cəza alan məhkum olmuş, ilk dəfə olaraq onun şərti azadlığa çıxmaq hüququ verilməmişdi.