“Azərsun Holdinq” “DaVinci Gourmet” ilə əməkdaşlığa başlayır

“DaVinci Gourmet”, “Azərsun Holdinq” ilə əməkdaşlıq çərçivəsində Azərbaycan bazarına daxil olub. “Kerry Group”un tərkibində fəaliyyət göstərən qlobal brend şərbətlər, souslar və püre məhsullarından ibarət geniş məhsul portfelini yerli bazara təqdim edib. Məhsulların təqdimatı üçün təşkil olunan tədbirdə brendin innovativ dad həlləri və qəhvə mədəniyyətinə verdiyi töhfələr nümayiş etdirilib.

Ajans.az-ın məlumatına görə, ədbirdə çıxış edən “Azərsun Holdinq” rəsmiləri, bu əməkdaşlığın dünya standartlarına uyğun dad təcrübələrinin Azərbaycanda genişlənməsinə və istehlakçılara innovativ məhsulların təqdim olunmasına mühüm töhfə verəcəyini bildiriblər.

Qeyd edək ki, əməkdaşlıq “Azərsun Holdinq”in evdənkənar istehlak kanalına xidmət göstərən “Sun Food Services” şirkətinin güclü distribusiya şəbəkəsi vasitəsilə həyata keçiriləcək.