Gülyanaq və Mənsum Özbəkistanda TƏLTİF olundu

Xalq artistləri Gülyanaq Məmmədova və Mənsum İbrahimov Özbəkistan Mədəniyyət Nazirliyi tərəfindən təltif olunublar.

Ajans.az  bildirir ki, bu haqda Teleqraf-a Xalq artisti Gülyanaq Məmmədova məlumat verib.

"Mənsum İbrahimovla birlikdə Özbəkistanda böyük bir tədbirə dəvət aldıq. Orada ölkənin Mədəniyyət Nazirliyinin “Mədəniyyət və incəsənət fədaisi” medalı ilə təltif olunduq. Eyni zamanda, "Yeni Özbəkistan Ulduzları”milli mədəniyyət və incəsənət mükafatının təntənəli təqdimetmə mərasimində konsertdə fəxri qonaq kimi iştirak etdik", - Xalq artisti əlavə edib.