Ərdoğanla Mirziyoyev GÖRÜŞDÜ

Özbəkistan və Türkiyə prezidentləri Ankarada təkbətək görüş keçiriblər.

Ajans.az xəbər verir ki, Şavkat Mirziyoyev və Rəcəb Tayyib Ərdoğan Özbəkistan-Türkiyə hərtərəfli strateji tərəfdaşlığının daha da genişləndirilməsini müzakirə ediblər.

İki lider strateji planlaşdırma qrupunun "4+4" formatında keçirilən görüşünün nəticələrini alqışlayıblar.

Onlar sənaye, kənd təsərrüfatı, sosial müdafiə və digər sahələrdə layihələrin irəlilədilməsinin vacibliyini vurğulayıblar. Müdafiə və təhlükəsizlik, eləcə də kibercinayətkarlıqla mübarizə sahəsində əməkdaşlığın və koordinasiyanın gücləndirilməsinə xüsusi diqqət yetirilib.