Kameron Smazerman HUŞUNU itirdi

UFC-nin ən yüngül çəki dərəcəsində çıxış edən amerikalı döyüşçü Kameron Smazerman çəkiölçmə mərasimindən dərhal sonra huşunu itirib.

Ajans.az bu barədə ESPN-ə istinadən xəbər verir.

28 yaşlı döyüşçü tərəzidən cəmi bir neçə addım uzaqlaşmışdı ki, yerə yıxılıb. İdmançıya dərhal tibbi yardım göstərilib.

Smazerman yanvarın 24-də Las-Veqasda keçiriləcək UFC-324 turnirində həmvətəni Rikki Tursios ilə qarşılaşmalı idi. Baş vermiş hadisə səbəbindən döyüş ləğv edilib.

Smazerman UFC-də indiyə qədər üç döyüş keçirib, bu döyüşlərin birində qalib gəlib, ikisində isə məğlub olub.