Bu ərazidə İŞIQ OLMAYACAQ

Biləcəri ETSİ-nə daxil olan bəzi ərazilərdə elektrik enerjisinin verilişində fasilə yaranacaq.

Ajans.az xəbər verir ki, bununla bağlı "Azərişıq"dan məlumat verilib. Yanvarın 12-də Biləcəri Enerji Təchizatı və Satışı İdarəsi (RETSİ) ərazisində 6 kV-luq hava xətlərində təmir-təftiş işləri həyata keçiriləcək. Bununla əlaqədar olaraq saat 10:00-dan 17:00-dək Binəqədi kəndi İsfahani küçəsində elektrik enerjisinin verilişində məhdudiyyət yaranacaq.

"Təmir-təftiş işləri başa çatdıqdan sonra həmin ərazilər daha keyfiyyətli elektrik enerjisi ilə təmin olunacaq", - məlumatda qeyd olunub.