Əminə Şirin SƏRT DANIŞDI: "Sənətkar əl öpdürməz" - VİDEO

Müğənni Əminə Şirin Tacir Şahmalıoğlu ilə arasında bir neçə həftədir davam edən söz-söhbətə son qoyub.

Ajans.az xəbər verir ki, sənətçi “Tarixin bir günü” verilişində qonaq olub.

O bildirib ki, Tacir Şahmalıoğlunun şəxsiyyətini təhqir etməyib və onun özünü “şah” adlandırmasına qarışmayıb:

“Bizim məsələmiz mahnı və söz məsələsidir. Tacir bəy özünə şah deyirsə, bu onun öz işidir. Məni bu söhbətə qarışdıranlar Tacir bəyin sözünə qıcıqlananlardır. Şah olun, padşah olun. Mən heç vaxt şah olmaq iddiasında olmamışam. Elə aşiq olanlar var ki, taxtını əldən verməmək üçün şeytandan da mədət umur. Sən sənətkar adını qazanmalısan, amma özünə sənətkar deyib əl öpdürməməlisən. Sənətkar musiqisi ilə insanların qəlbindən öpər, əl öpdürməz”.