Putin cizgi filmi QƏHRƏMANI oldu- FOTO

"Prostokvaşino" cizgi filmi seriyasının yaradıcıları Rusiya Prezidenti Vladimir Putini cizgi filminin personajlarından birinə çeviriblər.

Ajans. az xəbər verir ki, bu barədə məlumatı serialdan kadrları əldə edən RBK yayıb.

Kadrlarda Putin cizgi filminin qəhrəmanları - "Matroskin", "Şarik", "Poçtalyon Peçkin" və digər personajlarla birlikdə küknar ağacı fonunda görünür.

Bildirilir ki, kadrların həqiqiliyi media bazarındakı mənbələr tərəfindən təsdiqlənib.

Qeyd edək ki, "Soyuzmultfilm" 2018-ci ildə Eduard Uspenskinin əsərləri əsasında çəkilmiş "Prostokvaşino"nu yenidən ekranlaşdırıb və serialın altı mövsümü təqdim olunub.