Güclü daşqınlar- BU ÖLKƏDƏ...

Boliviyanın Santa Kruz departamentində baş verən güclü daşqınlar nəticəsində azı 20 nəfər həyatını itirib, daha 20-dən çox insan itkin düşüb.

Ajans.az xəbər verir ki,bu barədə ölkənin müdafiə nazirinin müavini Alfredo Troşe Boliviya televiziyasına açıqlamasında bildirib.

Onun sözlərinə görə, ölənlərin sayının artacağı istisna edilmir: “Hazırda həlak olanların sayı 20-yə çatıb. 20-dən çox insan isə itkin düşmüş hesab olunur. Təəssüf ki, suyun səviyyəsi azaldıqca və xilasedicilər daşqından qaça bilməyən insanların cəsədlərini axtardıqca itkilərin sayının artması ehtimalı yüksəkdir”.

Santa Kruz departamentinin rəhbərliyi bölgəni rəsmi olaraq fəlakət zonası elan edib. Daşqınlardan ən çox El Torno bələdiyyəsi zərər çəkib. Hakimiyyət orqanlarının məlumatına əsasən, təbii fəlakət nəticəsində 600-dən çox ailə zərər görüb.