Intel Apple üçün çiplərin istehsalına başlaya bilər

Apple öz prosessorlarına tam keçid etdikdən bir neçə il sonra, Intel ilə əməkdaşlığı yeni formatda bərpa edə bilər.

Ajans.az MacRumors-a istinadən xəbər verir ki, Apple təchizat zənciri analitiki Ming-Chi Kuo bildirir ki, Intel 2027-ci ilin ikinci yarısında Apple-ın M seriyalı çiplərinin aşağı səviyyəli versiyalarını istehsal etməyə başlaya bilər.

Intel ABŞ-da ən qabaqcıl 18A prosesi əsasında, 2 nanometrdən aşağı istehsal texnologiyasından istifadə edərək çipləri hazırlayacaq. Əvvəlki əməkdaşlıqlardan fərqli olaraq, bu dəfə Intel öz x86 arxitekturasını təqdim etməyəcək; müqavilə yalnız ARM arxitekturasına əsaslanan Apple çiplərinin istehsalını əhatə edəcək.