ABŞ-da tələbə universitetdə kütləvi atışma planlaşdırdığı üçün həbs edilib

ABŞ-da Pakistan əsilli mühacir tələbə kütləvi atışma planlaşdırdığı iddiası ilə saxlanılıb.

Ajans.az xəbər verir ki,bu barədə The New York Post mənbələrə istinadən məlumat yayıb.

Məlumata görə, 25 yaşlı Pakistanlı mühacir və ABŞ vətəndaşı Lukman Xan silah və sursatla birlikdə həbs edilib. Hüquq-mühafizə orqanları ondan Delaver Universitetinin polis bölməsinə hücum planını təsvir edən qeydlərin olduğu bir dəftər götürüb. Qeydlərdə binanın diaqramı və kütləvi zorakılıq törətmək niyyəti ifadə olunan ifadələrə də rast gəlinib.

Lukman Xan hazırda həbsdə saxlanılır və qanunsuz silah saxlamaqda ittiham olunur.