"Georginio" restoranının özbaşınalığı: "Kimsə ailəsi ilə gəlirsə..."

Xətai rayonu, "Ukrayna dairəsi" yaxınlığındakı parkda özbaşınalıq edildiyi ilə bağlı məlumat yayılıb.

Ajans.az Baku TV-yə istinadla bildirir ki, burada yerləşən "Georginio" restoranı parkın bir hissəsini terras kimi zəbt edib.

Sakinlər deyirlər ki, bu həm gediş-gəlişi məhdudlaşdırır, həm də parkın ümumi funksiyasına uyğun deyil.

"Uşaqlar, yaşlılar bu parkda gəzirlər. Buradan pulu olmayanlar da keçirlər. Onların nəfsləri də yemək çəkə bilər. Masalar parkdan yığışdırılmalıdır", - deyə sakin narazılığını bildirib.