Cəlilabbadda arvad ərini ÖLDÜRDÜ

Bu gün Cəlilabad rayonu ərazisində ağır qətl hadisəsi baş verib. 1993-cü il təvəllüdlü Kəsirə Cəfərova 1990-cı il təvəllüdlü həyat yoldaşı Vüsal Cəfərovu qətlə yetirməkdə şübhəli bilinir.

Ajans.az-ın məlumatına görə, qadın əvvəlcə ərinin yıxılaraq xəsarət alması görüntüsünü yaratmağa çalışıb. Vüsal Cəfərov xəstəxanaya çatdırılsa da, ürək nahiyəsindən aldığı bıçaq xəsarəti nəticəsində qan itirmədən dünyasını dəyişib.

Aparılan araşdırmalar zamanı polis müəyyən edib ki, Vüsal Cəfərov bıçaq zərbəsi ilə öldürülüb. Faktla bağlı cinayət işi açılıb, Kəsirə Cəfərova saxlanılaraq istintaqa cəlb edilib.

Hazırda hadisə ilə bağlı araşdırmalar davam etdirilir.