Yaponiyada 123 metr hündürlükdə qalan turistlər 9 saat sonra xilas edilib

Yaponiyanın Osaka şəhərindəki məşhur nəhəng Bərbər Çarxında baş verən qəza nəticəsində turistlər 123 metr hündürlükdə təxminən doqquz saat köməksiz vəziyyətdə qalıb. Hadisə güclü ildırımın attraksionun fəaliyyətini tamamilə dayandırması ilə baş verib.

Ajans.az xəbər verir ki,bu barədə NHK şəhər yanğınsöndürmə idarəsinə istinadən məlumat yayıb.

Məlumata görə, 25 noyabr axşamı ildırım birbaşa Yaponiyanın ən hündür Bərbər Çarxına düşüb. Zərbə nəticəsində elektrik sistemi sıradan çıxıb və attraksionda olan 20 sərnişin yuxarıda ilişib qalıb.

Xilasetmə əməliyyatı texniki baxımdan son dərəcə çətin olub. Əyləncə parkının mühəndisləri və texniki heyəti mexanizmi əl ilə hərəkətə gətirməyə nail olaraq çarxın müəyyən funksionallığını bərpa edə biliblər. Bu, sərnişinlərin bir qisminin təhlükəsiz təxliyəsinə imkan verib. Digər turistlərin endirilməsi üçün isə yanğından mühafizə xidmətinin xüsusi pilləkənləri quraşdırılıb.

Hadisə nəticəsində xəsarət alan olmayıb.