"TikTok"a yeni funksiya gəlir

"TikTok" istifadəçilərinə lentlərində görünən və süni intellektlə seçilən kontentin həcmini tənzimləmək imkan yaradacaq.

Ajans.az xəbər verir ki, bu barədə məlumatı "TikTok" yayıb.

Məlumata görə, sosial şəbəkə bir neçə həftə ərzində yeni funksiyanın sınaqlarına başlayacaq. İstifadəçilər neyron şəbəkələr vasitəsilə yaradılan və platformanın alqoritmləri tərəfindən təklif edilə biləcək materialların həcmini özləri tənzimləmək imkanı əldə edəcəklər.

Şirkət, həmçinin 2 milyon dollarlıq təhsil fondu yaradıb. Bu təşəbbüs çərçivəsində sahə mütəxəssisləri "TikTok"da Sİ-dən düzgün və təhlükəsiz istifadə haqqında materiallar hazırlayıb paylaşacaqlar.