Kral III Çarlz akvarel rəsmlərinin nüsxələrini satışa çıxarıb

Britaniya monarxı Kral III Çarlz həyatının çətin dövrlərində yaratdığı akvarel rəsmlərinin məhdud sayda reproduksiyasını satışa çıxarıb.

Ajans.az People-a istinadən xəbər verir ki, nüsxələr Highgrove Gardens xeyriyyə proqramı çərçivəsində təqdim olunub.

Rəsmin litoqrafiyası 1995-ci ildə III Çarlz tərəfindən çəkilmiş orijinal akvarel əsəri əsasında hazırlanıb. “Highgrove Evi – Vəhşi Çiçək Çəmənliyindən Görünüş” adlı əsər artıq kolleksiyaçılar üçün satışdadır. Hər nüsxə 2.900 funt sterlinq (təxminən 308.800 rubl) qiymətindədir, satışdan əldə olunan bütün gəlir kralın xeyriyyə fonduna yönəldiləcək.

Əsərin simvolik əhəmiyyəti də var: Kral bu rəsmi Şahzadə Diana ilə münasibətlərində böhran dövründə, evliliklərinin dağılmaq üzrə olduğu zaman yaradıb. 1995-ci ildə Diana Panorama proqramına verdiyi müsahibədə demişdi: “Bu evlilikdə üçümüz var idik, ona görə də bir az darıxdırıcı idi.”