Qırmızı ətin TƏHLÜKƏLƏRİ

Lyubertsı Regional Xəstəxanasının qastroenteroloqu Svetlana İlyaşenko bəzi ruslar üçün qırmızı ətin təhlükəsi barədə xəbərdarlıq edib.

Ajans.az xəbər verir ki, İlyaşenko mədə problemindən əziyyət çəkənləri qırmızı ətdən tamamilə uzaq durmağa çağırıb. Həkim bu xəstəliyi olan xəstələrə qırmızı əti gündəlik olaraq pəhrizə daxil edilə bilən toyuq, hinduşka və ya balıq kimi ağ qidalarla əvəz etməyin daha yaxşı olduğunu bildirib.

Qastroenteroloq onu da qeyd edib ki, hətta sağlam insan belə həftədə bir-iki dəfədən çox qırmızı ət yeməməlidir. Eyni zamanda, əks göstərişlər olmadıqda, bu məhsuldan tamamilə imtina etməməlisiniz, çünki tərkibində dəmir və B vitaminləri kimi sağlamlıq üçün vacib maddələr var.