Mis qiyməti 11 min dolları keçib

London Metal Birjasında (LME) üç aylıq mis müqaviləsinin qiyməti 6 mart 2022-ci ildən bəri ilk dəfə ton üçün 11.100 dollar həddini ötüb.

Ajans.az xəbər verir ki, Bakı vaxtı ilə saat 19:19-a olan məlumata görə, mis fyuçerslərinin qiyməti 1,41% artaraq ton başına 11.174 dollara çatıb. Daha sonra, saat 21:08-ə qədər qiymət bir qədər azalaraq ton başına 11.163,84 dollar olub (1,31% artım).

İlin əvvəlindən etibarən metalın qiyməti 26,78%, oktyabrın əvvəlindən isə 6,59% yüksəlib.