Zamanında müalicə etməsəniz, FACİƏ YAŞANA BİLƏR

Cəmiyyət 27-10-2025 - 19:20

396

MTV kanalında psixoloq Ülviyyə Murtuzovanın təqdimatında “ Sənin Seçimin” verilişinin növbəti buraxılışı yayımlanıb.

Ajans.az xəbər verir ki, verilişin budəfəki mövzusu revmatik xəstəliklər və onların müayinə, müalicə üsulları olub.

Mövzu ilə bağlı qonaq qismində Azərbaycan Tibb Universitetinin Daxili xəstəliklər kafedrasının professoru, revmatoloq Sahib Musayev öz fikirlərini bildirib.

Professor deyib ki, bu xəstəliklər xüsusi qrupa daxildir. Erkən başlanğıc kimi oynaq-əzələ sistemində ağrılar ilə yadda qalır. Oynaq ağrılarını əhatə edən 200-dən çox xəstəliyi özündə birləşdirir.

Həkim qeyd edib ki, gərək həkim dəqiq və operativ olmalıdır ki, bu xəstəliyi təcili aşkar edə bilsin. Çünki oynaq ağrıları vaxtında aşkar edilməzsə, insanda əlilliyə kimi gətirib çıxara bilər.