Tramp Zelenskini bütün Donbası Rusiyaya verməyə inandırmadığını deyir

ABŞ-ın prezidenti Donald Tramp jurnalistlərlə söhbətində Ukrayna-Rusiya münaqişəsinə dair mövqeyini bir daha açıqlayıb. O, Rusiyaya Donbas regionunun tam təhvil verilməsi ilə bağlı Ukrayna prezidenti Vladimir Zelenskiyə təzyiq göstərdiyini təkzib edib.

Ajans.az Reuters-ə istinadən xəbər verir ki, Tramp “Zelenskini Donbasın tamamını Rusiyaya təhvil verməyə inandırmısınızmı?” sualını cavablandıraraq bunu rədd edib.

Tramp bazar günü “Hava Qüvvələri Bir” təyyarəsində jurnalistlərin suallarını cavablandırarkən deyib:

“Biz hesab edirik ki, tərəflər sadəcə mövcud mövqelərində, cəbhə xəttində dayanmalıdırlar.”

“Qoy hər şey olduğu kimi bölünsün. Hazırda artıq hər şey faktiki olaraq bölünüb. Məncə, ərazinin 78 faizi artıq Rusiya tərəfindən işğal olunub,” — deyə o bildirib.

Xatırladaq ki, daha əvvəl “The Washington Post” Trampla Rusiya prezidenti Vladimir Putin arasında baş tutmuş söhbətə bələd olan mənbələrə istinadən yazmışdı ki, Putin Donetsk vilayətinin hələ də Ukraynanın nəzarətində olan hissəsinin də Rusiyaya verilməsində israrlıdır.

“Financial Times” isə sonradan yazıb ki, Tramp ötən cümə günü Zelenskini Rusiyanın təkliflərini qəbul etməyə çağırıb.

Trampın mövqeyi, onun 2024-cü il ABŞ prezident seçkiləri ərəfəsində beynəlxalq münaqişələrin həlli ilə bağlı təqdim etdiyi yanaşmaların bir hissəsi kimi qiymətləndirilir. Lakin bu açıqlamalar Ukrayna tərəfinin və beynəlxalq ictimaiyyətin narahatlığına səbəb olub.